കുറേ നാളുകള്ക്കു ശേഷം ഇന്നൊന്നു സുഖമായി ഉറങ്ങി. അപ്പോഴാണ് ഫോണ് അടിയ്ക്കാന് തുടങിയത്. ആരെയൊക്കെയോ തെറി വിളിച്ച് ഫോണെടുത്തു.
അങ്ങേ തലയ്ക്കല് നിന്നും അളിയന്റെ ശബ്ദം, അളിയന്നെന്നു പറഞ്ഞാല് സ്വന്തം അളിയനല്ല, ഒരു കസിന്റെ കെട്ടിയവന്.
ഞാന് : എന്താ
അളിയന് : നാട്ടിലെ പറമ്പ് വിറ്റെന്ന് കേട്ടു. നല്ല വില കിട്ടിയോ?
ഞാന് : ആ... കുഴപ്പമില്ല.
അളിയന് : എപ്പോ ഭൂമിക്ക് തീ പിടിച്ച വിലയാണ്. നല്ല തുക കിട്ടികാനുമല്ലോ അല്ലെ?
(ഞാന് ആണെങ്കില് ആകെ ആശയകുഴപ്പത്തിലായി. അളിയനിതെന്തു പറ്റി. ഒരു സുപ്രഭാതത്തില് വിളിച്ച് ഭൂമിയുടെ വിലയെ പറ്റി ചോദിക്കുന്നത്. എനിക്ക് ആലോചിക്കാന് പോലും സമയം തരാതെ അളിയന് തുടരുന്നു.)
അളിയന് : നിനക്കരിയാലോ എന്റെ സാമ്പത്തിക ബുന്ധിമുട്ടുകളെ പറ്റി. കിട്ടിയ കാശില് നിന്നും ഒരു മൂന്നു നാലു ലക്ഷം എനിക്ക് തരണം.
ഞാന് (ആത്മഗതം) : ഈശ്വരാ. ഇതാണോ ഈ വിളിയുടെ ഉദ്ദേശം.
ഞാന് : ആ... നമുക്കാലോചിക്കാം. അളിയന് എപ്പോ എവിടെയാ? (വിഷയം മാറ്റാനുള്ള ഒരു വിഫല ശ്രമം.)
അളിയന് : ഞാന് എപ്പോ Madivala യില് നിന്നാ. അളിയന് എന്നെ വന്നു പിക്ക് ചെയണം.
ഞാന്: അയ്യോ! ഞാന് ഇപ്പൊ തമിഴ്നാട്ടിലാ.(വായില് വന്നത് ഇതാണ്). അളിയാ ഞാന് വരാന് മൂന്നു നാലു ദിവസമെങ്കിലും എടുക്കും.
അളിയന്: ചതിച്ചല്ലോ. എന്തായാലും ഞാന് നിന്നെ കണ്ടിട്ടേ പോകുന്നുള്ളൂ.
അപ്പോള് തന്നെ കയ്യില് കിട്ടിയ തുണിയെല്ലാം വാരിയെടുത്ത്, നേരെ കൂട്ടുക്കാരുടെ അടുത്തോട്ട് വിട്ടു. ഒന്നു രണ്ട് ദിവസത്തെ അജ്ഞാതവാസം, അതായിരുന്നു മനസിലെ വിചാരം. പക്ഷെ പഹയന് പോയത് നാലു ദിവസത്തിന് ശേഷം.
കുറച്ചു നാളുകള്ക്കു മുന്പ് എന്റെ സുഹൃത്തിനുണ്ടായ ഒരനുഭവമാണിത്. പുള്ളിക്കാരന് ജോലി സംബന്ധമായി ബാങ്ങ്ലൂരില് താമസമാണ്.
നാട്ടിലാണെങ്കില് പറയാനായി ബന്ധുക്കള് ആരും തന്നെയില്ല. ഉള്ളതൊരു distant കസിന്. അവരുടെ ഭര്ത്താവാണ് നമ്മുടെ കഥയിലെ അളിയന്.
നാട്ടില്ലുള്ള സ്വത്തെല്ലാം വിറ്റ് ബാന്ഗ്ലൂരില് ഫ്ലാറ്റ് എടുക്കാനുള്ള ശ്രമത്തിലാണ് എന്റെ സുഹൃത്ത്. അങ്ങിനെ നീണ്ട ശ്രമത്തിന്റെ ഫലമായി സ്വത്തെല്ലാം വിറ്റ് സ്വസ്ഥമായി ഇരിക്കുമ്പോഴാണ് നമ്മുടെ ഈ കഥ നടക്കുന്നത്.
No comments:
Post a Comment